சோதிடம் அறிமுகம்

         அண்டவெளியில் சுழன்று கொண்டிருக்கும் நவகிரகங்களின் ஒளிச்சிதறல்களின் தாக்கத்தால் பூவுலகில் வாழும் ஆன்மாக்களுக்கு ஏற்படும் நன்மை தீமைகளை வெளிச்சம் காட்டி உலகத்தோருக்கு வழிகாட்டும் தெய்வீக சாத்திரம் "சோதிடம்" எனப்படும்.

    சோதி+இடம் = சோதிடம். இருள் சூழ்ந்துள்ள ஓர் அறையில் சோதியமயமான ஒரு விளக்கை ஏற்றினால், அந்த அறையின் முழு ரகசியங்களும் எப்படி தெள்ளத் தெளிவாகக் காட்சி கொடுக்கின்றதோ அவ்வாறாகவே வாழ்க்கை என்னும் அறையில் சோதிமயமான ஞானவிளக்கை ஏற்றிப்பார்த்தால் வாழ்க்கையின் முழு ரகசியங்களும் மிகத் தெளிவாக காட்சி கொடுக்கும். ஊழ்வினையை அடிப்படையாகக் கொண்டு உலக உயிர்கள் அடையக் கூடிய வாழ்க்கையின் முக்கால ரகசியங்களை விளக்கி வாழ்க்கைக்கு வழிகாட்டும் குருநூல் சோதிடம் எனப்படும்.